2.batzarra

Post-itak grafikoetan

Abenduaren 16an idatzitako post-it guztiak batu eta ordenatu ostean hona hemen Urtxintxako dinamizatzaileek prestatu duten dokumentua:
BERMEOKO PARTE HARTZE PROZESUA

Modu bat baino gehiago dago erantzun guztiak ordenatzeko, baina kontuan eduki behar da erantzun asko egon zirela, eta batzuetan gatxa izan dela post-itean idatzita zegoena dezifratzea.

Erantzunak antolatu ostean, interpretazioak ere zabalak izan daitezke. Hurrengo batzarrean, datuen azalpen zabalago bat eman eta honegaz danagaz hemendik aurrera zer egin komentatuko dugu.

 

Lan handia egongo da egiteko hemendik aurrera: dauden kexak zelan bideratu, hobetu daitekeena zelan egin, herritarrok zelan inplikatu, proposamenak eta erabakiak zelan antolatu…

180 lagun, mila eta bat iritzi!

Lehenengo batzarra ederto egon da!
180 pertsona batu ginen Kafe Antzokian, eta pila bat iritzi batu genituen denon artean. Hainbeste jendegaz, ahoz banan banaka iritzi guztiak entzutea inposiblea izango zenez, post-itak erabilita bakoitzak gura zuen guztia idatzi zuen.

Galdera nagusi bi planteatu genituen:
A – Zer du ona Bermeok?
B – Zer behar du Bermeok?

Parte-hartzaile batek argazkia igo du facebook orrialdera: beitu!
Eta argazkian ez dira kabitzen post-it guztiak. 

Bota proposamenak!

EiTBren blogean aurkitu dugu artikulua:
blogseitb.net/bermeo/tag/erabaki-bermeon/

Gaur iluntzean batuko gara Bermeoko Kafe Antzokian!
20:00etatik 22:00etara, denon iritzia jasotzeko moduan antolatutako batzarra izango da.
Ah! Eta hau lehenengoa baino ez da. Bigarren batzarra noiz-non gura dugun ere gaur esango dugu. Helburua, hurrengo batzarretan gero eta jende gehiago batzea.

Gero arte!

Arranca mañana el proceso ‘Decide en Bermeo’

Ayer se hizo un llamamiento especial ante los medios de comunicación.
Hoy hemos encontrado estos dos artículos en internet.
Y mañana… ¡Nos vemos a las 20:00 en el Antzoki!

Correo:
“Bermeo abre un canal de participación para conocer las necesidades vecinales”. +info

Deia:
“Bermeo pulsará mañana la opinión de sus vecinos en una reunión popular”. +info

Bermeoren alde aportazioa egin gura duenak, etorri barikuan!

Gaur prentsaurrekoa egin dugu, bermeotar danak animatzeko barikuan egingo dugun batzarrera. Parte-hartze prozesuan ahalik eta jende gehien eta iritzi desberdinenak batzea inportantea da.

Bermeoren alde aportazioa egin gura duenak, etorri barikuan!

Argi utzi gura dugu, hau ez duela alderdi politiko batek bakarrik antolatu. Udalak bakarrik ere ez. Zorionez, herritar batzuk ere animatu dira hau dena antolatzera, euren borondate onagaz. Bermeoko dan-danok etortzea gura eta behar dugu. Horregatik banatu da deialdia etxe guztietako buzoietara.

Barikuan lehenengo batzarra egingo dugu. Kafe Antzokian batuko gara. Eta bertan, denok maila berean egongo gara. Udaleko ordezkariak, teknikariak eta politikariak, edota herriko elkarte eta norbanakoak. Iritzi guztiek daukate balio berdina. Dinamizadore batzuk enkargatuko dira berba denon esku uzten, denok tarte berdina edukitzeko.

Bakoitzak bere ideiak ekarriko ditu. Denok daukagu zer esana. Denok ikusi eta bizitzen ditugu geure inguruan pasatzen direnak. Eta denon artean, ikuspegi globala erreflejatzea da lehenengo batzarraren helburua: nik arazo bat ikusten dut, baina albokoarena ere entzungo dut, eta denonak batu eta uztartuko ditugu.

Hori bai, arazoak bakarrik ez. Zer hobetu asko dago baina Bermeon dena ez da txarra. Gauza onak ere badauzkagu herrian, eta zeintzuk diren eta zelan aprobetxatu ahal ditugun topatu behar dugu. Seguru, imajinazio eta kreatibidade apur bategaz, oso proposamen positiboak irtengo dutena.

Beraz, zenbat eta gehiago etorri, hobeto. Erdu barikuan Kafe Antzokira, 20:00etan, inportantea izango da-eta.

*Mañana saldrá esta información ampliada en diversos medios de comunicación, publicaremos las noticias en el siguiente post.
Itsuki irratia (107.5 FM)
Oizmendi TB
http://bermeo.hitza.info/
http://www.elcorreo.com/vizcaya/local/costa/
http://www.deia.com/bizkaia/costa

Erdu!

Gaur (eguaztena) deialdi zabala egingo dugu! Barikuko batzarrera etortzeko gonbidapena, prentsa aurrean. Zenbat eta gehiago etorri, hobeto! Prentsaurrea, 16:00etan, Kafe Antzoki aurrean. Erdu!!!