Nortzuk gara?
Herrian gauzak beste era batera egin ahal direla konbentzituta gauden herritarrak.
Herritar batzuk batu gara parte-hartzea bultzatu guran. Denok daukagu zeozer aportatzeko. Bakoitzak ahal duen neurrian, baina denok batera egin gura dugu bidea. Zenbat eta jende gehiago, iritzi desberdin gehiago, eta emaitza denontzako positiboago.
Udal ordezkariek konpromisoa hartu dute herritarron ahotsa entzun eta erabakitzen duguna errespetatuko dutela. Batzuetan mugak egongo dira: ekonomikoak, juridikoak… Baina borondate politikoa badago.
Bestalde, batzarretan jende asko batzea espero da, eta horregatik, dinamizatzaile talde bat egongo da. Zertarako? Denon ahotsak berdin errespetatzeko. Inorena ez entzuteko besteen gainetik. Denona delako inportantea.
Nortzuk gara? Zeu ere bai. Erdu eta parte hartu!
bermeonerabaki 