Galdera nagusi bi planteatu genituen:
A – Zer du ona Bermeok?
B – Zer behar du Bermeok?

Parte-hartzaile batek argazkia igo du facebook orrialdera: beitu!
Eta argazkian ez dira kabitzen post-it guztiak. 

Bigarren galderan post-it gehiago pegatu genituen, baina gauza onak ere asko dauzkagu! Herritarrak, paisajea, gure kresaldun berbakera… Orain, iritzi den-denak batu eta ordenadorera pasatzen ari dira Urtxintxako dinamizadoreak. Ahal den arinen erakutsiko ditugu: berton, e-mailez eta Kultur Etxean (fotokopiak).

Hau hasi baino ez da egin. Hurrengo batzarra noiz eta ze ordutan izango den papertxoetan idatzi genuen, ikusteko zein den aukerarik hoberena jendearen ustez. Hurrengoan ere ahal den jende gehiena etortzeko.

Portzierto: atzo etorri ez zaretenok ere idatzi hemen zuen ideiak, gura izanez gero.
A – Zer du ona Bermeok?
B – Zer behar du hobetu Bermeok?

Hau hasi baino ez da egin!!

Gaur iluntzean batuko gara Bermeoko Kafe Antzokian!
20:00etatik 22:00etara, denon iritzia jasotzeko moduan antolatutako batzarra izango da.
Ah! Eta hau lehenengoa baino ez da. Bigarren batzarra noiz-non gura dugun ere gaur esango dugu. Helburua, hurrengo batzarretan gero eta jende gehiago batzea.

Gero arte!

Correo:
“Bermeo abre un canal de participación para conocer las necesidades vecinales”. +info

Deia:
“Bermeo pulsará mañana la opinión de sus vecinos en una reunión popular”. +info

Bermeoren alde aportazioa egin gura duenak, etorri barikuan!

Argi utzi gura dugu, hau ez duela alderdi politiko batek bakarrik antolatu. Udalak bakarrik ere ez. Zorionez, herritar batzuk ere animatu dira hau dena antolatzera, euren borondate onagaz. Bermeoko dan-danok etortzea gura eta behar dugu. Horregatik banatu da deialdia etxe guztietako buzoietara.

Barikuan lehenengo batzarra egingo dugu. Kafe Antzokian batuko gara. Eta bertan, denok maila berean egongo gara. Udaleko ordezkariak, teknikariak eta politikariak, edota herriko elkarte eta norbanakoak. Iritzi guztiek daukate balio berdina. Dinamizadore batzuk enkargatuko dira berba denon esku uzten, denok tarte berdina edukitzeko.

Bakoitzak bere ideiak ekarriko ditu. Denok daukagu zer esana. Denok ikusi eta bizitzen ditugu geure inguruan pasatzen direnak. Eta denon artean, ikuspegi globala erreflejatzea da lehenengo batzarraren helburua: nik arazo bat ikusten dut, baina albokoarena ere entzungo dut, eta denonak batu eta uztartuko ditugu.

Hori bai, arazoak bakarrik ez. Zer hobetu asko dago baina Bermeon dena ez da txarra. Gauza onak ere badauzkagu herrian, eta zeintzuk diren eta zelan aprobetxatu ahal ditugun topatu behar dugu. Seguru, imajinazio eta kreatibidade apur bategaz, oso proposamen positiboak irtengo dutena.

Beraz, zenbat eta gehiago etorri, hobeto. Erdu barikuan Kafe Antzokira, 20:00etan, inportantea izango da-eta.

*Mañana saldrá esta información ampliada en diversos medios de comunicación, publicaremos las noticias en el siguiente post.
Itsuki irratia (107.5 FM)
Oizmendi TB
http://bermeo.hitza.info/
http://www.elcorreo.com/vizcaya/local/costa/
http://www.deia.com/bizkaia/costa

Bermeon gauza asko hobetu ahal ditugu.
Zeuk ere badaukazu ideia bat baino gehiago, seguru.
Zenbat eta iritzi gehiago, orduan eta aberatsago.

Bakoitzak ahal duen neurrian.
Ekarpen guztiak dira garrantzitsuak.
Ahots guztiak dira errespetagarriak.
Gauza txikiak kontuan hartuta hartzen dira erabaki handiak.

Elkar entzun, iritziak elkarbanatu, soluzio errealak proposatu. Adostu.
Elkarlan moduak topatu. Auzolana bultzatu. Gogoa eta ilusioa biztu.

Prozesua ez da amaituko lehenengo batzarrean.
Apurka-apurka baina gelditu barik, bidea egiten joango gara.
Hau hasi baino ez da egin.

Abenduaren 16an ikusiko dugu elkar!

Lehenengo batzarra.
Noiz: abenduaren 16an, barikua.
Ordua: 20:00etan (ordu bi).
Non: Kafe Antzokian.